வீட்டுக்குள் வைத்து தாய், மகள் மீது கும்பல் தாக்குதல்

மட்டக்களப்பு - காத்தான்குடி பொலிஸ் பிரிவிலுள்ள புதிய காத்தான்குடியில், தாயும் மகளும், இனந்தெரியாதோரால் தாக்கப்பட்டு, படுகாயங்களுடன், மட்டக்களப்பு போதனா வைத்தியசாலையில் அனுமதிக்கப்பட்டுள்ளனரென, காத்தான்குடி பொலிஸார் தெரிவித்தனர்.

55 வயதுடைய தாயும் பல்கலைக்கழக மாணவியான 20 வயது மகளுமே, இவ்வாறு தாக்குதலுக்கு உள்ளாக்கப்பட்டுள்ளனர்.

அவர்களது வீட்டுக்குள், நேற்று (20) இரவு புகுந்த மூவர் கொண்ட கும்பல், தாயையும் மகளையும் கட்டிவைத்து, அவர்கள் மீது தாக்குதல் நடத்தியுள்ளனரெனப் பொலிஸார் தெரிவித்தனர்.

சம்பவம் தொடர்பில், இதுவரை எவரும் கைது செய்யப்படவில்லையெனவும் விசாரணைகளை மேற்கொண்டு வருவதாகவும், காத்தான்குடி பொலிஸார் மேலும் தெரிவித்தனர்.