விபத்தில் ஒருவர் படுகாயம்

-ஏ.எச்.ஏ.ஹுஸைன்,எம்.எஸ்.எம்.நூர்தீன்

மட்டக்களப்பு - காத்தான்குடி பிரதான வீதியில் இன்று ஞாயிற்றுக்கிழமை அதிகாலை  இடம்பெற்ற வீதி விபத்தில் முச்சக்கரவண்டி தடம்புரண்டதில் அதன் சாரதியான  காத்தான்குடி நகர பிரதேசத்தைச் சேர்ந்த ஏ.அப்துல் லத்தீப் (வயது - 54) என்பவர் படுகாயமடைந்துள்ளதாக  பொலிஸார் தெரிவித்தனர்.

காத்தான்குடி கலாசார மண்டபத்துக்கு முன்னாலுள்ள பிரதான வீதியில் இச்சம்பவம் இடம்பெற்றது.

இதில் படுகாயமடைந்த சாரதி காத்தான்குடி ஆதார வைத்திசாலையில் அனுமதிக்கப்பட்டுள்ளார்.
இச்சம்பவத்தில் முச்சக்கரவண்டி முற்றாகச் சேதமடைந்துள்ளது.

சம்பவம் தொடர்பாக காத்தான்குடி பொலிஸார் மேலும் விசாரணைகளில் ஈடுபட்டுள்ளனர்.