விபத்தில் ஒருவர் பலி; ஐவர் காயம்

குருநாகல் கொக்கறல்லயில் இன்று அதிகாலை(12) இடம் பெற்ற வாகன விபத்தில் காத்தான்குடியைச் சேர்ந்த ஒருவர் உயிரிழந்துள்ளதுடன் ஐந்து பேர் காயமடைந்துள்ளனர்.

காத்தான்குடியிலிருந்து 10 பேரை ஏற்றிக் கொண்டு நேற்றிரவு(11) கொழும்பு நோக்கிச் சென்ற  வேன் ஒன்று இன்று சனிக்கிழமை அதிகாலை குருநாகல் கொக்கறல்ல எனுமிடத்தில் வைத்து விபத்துக்குள்ளாகியுள்ளது.

குறித்த வேன், கம்பமொன்றுடன் மோதுண்டதில் இந்த விபத்து இடம் பெற்றுள்ளது.

இந்த வேனில் பயணித்த காத்தான்குடியைச் சேர்ந்த சாகுல் ஹமீட் பசீர்(56) என்பவர் உயிரிழந்துள்ளதுடன், காத்தான்குடியைச் சேர்ந்த மேலும் ஐந்து பேர் காயமடைந்து குருநாகல் வைத்தியசாலையில் அனுமதிக்கப்பட்டுள்ளனர்.

இந்தச் சம்பவம் தொடர்பாக குருநாகல் பொலிஸார் விசாரணைகளை மேற்கொண்டு வருகின்றனர்.