கிரான் பிரதேசத்தில் நடமாடும் சேவை

(ஆர்.அனுருத்தன்)

மட்டக்களப்பு கிரான் பிரதேச செயலாளர் பிரிவில் வாழைச்சேனை பொலிஸாரால் நடமாடும் சேவையொன்று நேற்று சனிக்கிழமை நடத்தப்பட்டது.

வாழைச்சேனை பிரதம பொலிஸ் பரிசோதகர் சி.ஐ.ஜெயவீர தலைமையில் நடைபெற்ற இந்த நடமாடும் சேவையில் கிரான் பிரதேச செயலக உதவி பிரதேச செயலாளர், கிராம சேவை உத்தியோகஸ்தர்கள், வைத்தியர்கள் கலந்து கொண்டு மக்களுக்கான சேவையை வழங்கினர்.

காலம் கடந்த இறப்பு, பிறப்பு பதிவு தொடர்பான பொலிஸ் முறைப்பாட்டு பதிவுகள், இலவச வைத்திய சேவை, தொலைந்துபோன அடையாள அட்டைக்கான பொலிஸ் முறைப்பாட்டு பதிவுகள் வழங்கல் போன்றன இந்த நடமாடும் சேவையில் மேற்கொள்ளப்பட்டது.