விபத்தில் குடும்பஸ்தர் படுகாயம்

-ஏ.எச்.ஏ. ஹுஸைன்

மட்டக்களப்பு மாவட்டத்தின் ஏறாவூர் பொலிஸ் பிரிவிலுள்ள கொம்மாதுறை பிரதான வீதியில் வெள்ளிக்கிழமை (10) இடம்பெற்ற விபத்தில் குடும்பஸ்தர் ஒருவர் காயமடைந்த நிலையில் மட்டக்களப்பு போதனா வைத்தியசாலையில் அனுமதிக்கப்பட்டுள்ளதாக ஏறாவூர் பொலிஸார் தெரிவித்தனர்.

கொம்மாதுறையைச் சேர்ந்த கணேசன்-லிங்கநாதன்  (வயது 48) என்பவரே விபத்தில் காயமடைந்தவராவார்.

மட்டக்களப்பு - கொழும்பு நெடுஞ்சாலையில் வேகமாக வந்து கொண்டிருந்த வான், வீதியில் சைக்கிளில் சென்று கொண்டிருந்த நபரை  மோதிவிட்டு தப்பிச் சென்றுவிட்டதாக பொலிஸார் தெரிவித்தனர்.

இந்த சம்பவம் தொடர்பிலான மேலதிக விசாரணைகளை பொலிஸார் மேற்கொண்டு வருகின்றனர்.