மட்டக்களப்பு புதிய சந்தைக்கான கட்டட பணிகள் பூர்த்தி

-எஸ். பாக்கியநாதன்

கிழக்கு மாகாண சபையினால் மட்டக்களப்பு மாநகர சபையினால் அமுல்படுத்தப்பட்ட நிர்மாணிக்கப்பட்ட புதிய சந்தைக்கான மாடிக்கட்டடம் பூர்த்திடைந்துள்ளன.

புறநெகும திட்டத்தின் கீழ், கிழக்கு மாகாண சபையினால் உலக வங்கியின் உதவியினால் 30.9 மில்லியன் செலவில் கட்டி முடிக்கப்பட்ட கட்டடத் தொகுதியை, மட்டக்களப்பு மாநகர ஆணையாளர் எம். உதயகுமார் புதன்கிழமை (03) பார்வையிட்டார்.

நிர்மாணிக்கப்பட்டுள்ள கட்டடத்தின் மேல் மாடியில், அரச ஒசுசல மற்றும் சதோச நிறுவனங்களுக்கு குத்தகைக்கு வழங்கத் தீர்மானித்துள்ளதாகத் தெரிவித்தார்.

இதன்போது, மாநகரசபையின் பொறியியலாளர் ரி. தேவதீபன், தொழில்நுட்ப உத்தியோகஸ்தர் எல். பிரசாந்தன், நிர்மாண ஆலோசகர் கே. சிவலிங்கம் ஆகியோரும் கலந்து கொண்டு பார்வையிட்டனர்.