தும்பங்கேணி கால்நடை வளர்ப்போர் சங்கத்தின் ஆரம்ப நிகழ்வு

-வடிவேல் சக்திவேல்

மட்டக்களப்பு, போரதீவுப்பற்று பிரதேசத்தின் மட்டுப்படுத்தப்பட்ட கால்நடை வளர்ப்போர் சங்கத்தின் ஆரம்ப நிகழ்வு, தும்பங்கேணி அமுதசுரபி பால் பதனிடும் நிலையத்தில் இன்று செவ்வாய்க்கிழமை (09) நடைபெற்றது. 

சங்கத்தின் தலைவர் தெ.சிவபாதம் தலைமையில் நடைபெற்ற இந்நிகழ்வில் கிழக்கு மாகாண விவசாய கால்நடை அபிவிருத்தி அமைச்சர் கி.துரைராஜசிங்கம், மாகாண சபையின் பிரதித் தவிசாளர் பி.இந்திரகுமார், மாகாண சபை உறுப்பினர்களான மா.நடராசா, ஞா.கிருஸ்ணபிள்ளை, இரா.துரைரெத்தினம், இலங்கை செஞ்சிலுவைச் சங்கத்தின் மட்டக்களப்புக் கிளைத் தலைவர் த.வசந்தராசா மற்றும் கூட்டுறவு அபிவிருத்தி திணைக்களத்தின் மட்டக்களப்பு மாவட்ட உதவி ஆணையாளர் எஸ்.கிருபைராசசிங்கம் உட்பட பலர் கலந்துகொண்டனர்.
 
இதன்போது, 500 கால்நடை பண்ணையாளர்களுக்கு தலா ஒவ்வொரு நைலோன் கயிற்று வண்டல்கள் வழங்கப்பட்டன.