மு.கா. விலிருந்து விலகமாட்டேன்: பசீர்

-.எம்.எஸ்.எம்.நூர்தீன்

ஸ்ரீலங்கா முஸ்லிம் காங்கிரஸை விட்டு, வேறு எந்தக் கட்சிக்கும்   மாறப்போவதில்லை என்று  முஸ்லிம் காங்கிரஸின் தவிசாளர் பசீர் சேகுதாவூத் தெரிவித்தார்.

எதிர்கால அரசியல் நடவடிக்கை தொடர்பில்  நேற்று வியாழக்கிழமை (09) கேட்டபோதே அவர் மேற்கண்டவாறு கூறினார்.
இது தொடர்பில் மேலும் தெரிவித்த அவர், 'ஸ்ரீலங்கா முஸ்லிம் காங்கிரஸை விட்டு, நான் கட்சி மாறப்போவதாக கூறப்படும் கதைகளில் எவ்வித உண்மையுமில்லை. முஸ்லிம் காங்கிரஸை விட்டு  நான் விலகிச் செல்லமாட்டேன்' என்றார்.

'மேலும், எதிர்வரும் பொதுத்தேர்தலில் மட்டக்களப்பு மாவட்டத்தில் ஸ்ரீலங்கா முஸ்லிம் காங்கிரஸின் சார்பில் வேட்பாளராக களம் இறங்கவுள்ளேன். முஸ்லிம் காங்கிரஸை தவிர, வேறு எந்தக் கட்சியிலும் வேட்பாளராக தேர்தலில் போட்டியிடமாட்டேன்' எனவும் அவர் தெரிவித்தார்.