கடலில் மூழ்கி இளைஞன் உயிரிழப்பு

-ஆர்.ஜெயஸ்ரீராம்

பொழுதுபோக்காக கடலில் செலுத்தும் மோட்டார் தோணியை அனுபவமின்றி செலுத்திய இளைஞர் ஒருவர் மட்டக்களப்பு, வட்டவான் கடலில் ஞாயிற்;றுக்கிழமை (23) மாலை மூழ்கி உயிரிழந்ததாக பொலிஸார் தெரிவித்தனர்.

வட்டவானிலுள்ள சுற்றுலா விடுதியொன்றில் பணியாளராக கடமையாற்றிவந்த வாழைச்சேனையைச் சேர்ந்த ஜீவரெட்ணம் அஜித்குமார் (வயது 19) என்ற இளைஞனே இவ்வாறு உயிரிழந்ததாகவும் பொலிஸார் கூறினர்.

இவரது சடலம் கடற்படையினர் மற்றும் சுழியோடிகளின் உதவியுடன் மீட்கப்பட்டது.

இந்தச் சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.