ஒரு கோடி ரூபா பெறுமதியான பலகைகள் தீயினால் சேதம்

(எம்.எப்.எம்.தாஹிர்)

பதுளை நகரிலுள்ள மர ஆலையொன்றுக்குள் திடீரென ஏற்பட்ட தீயின் காரணமாக சுமார் ஒரு கோடி ரூபாவிற்கும் அதிகமான மரப்பலகைகள் கருகி சாம்பலாகியுள்ளதாக பதுளை பொலிஸார் தெரிவித்தனர்.

இந்தச் சம்பவம் இன்று அதிகாலை இடம்பெற்றது. பதுளை மாநகரசபை தீயணைக்கும் பிரிவு, பொலிஸார் மற்றும் பொதுமக்கள் இணைந்து இந்தத் தீயைக் கட்டுப்பாட்டுக்குள் கொண்டு வந்துள்ளனர்.

இவ்விபத்துக்கு மின்சாரக்கசிவு காரணமாக இருக்கலாம் என பொலிஸார் சந்தேகிக்கின்றனர்.

பதுளை பொலிஸார் விசாரணைகளில் ஈடுபட்டுள்ளனர்.