ஏழு குடும்பங்கள் சுயதனிமையில்

எம்.கிருஸ்ணா

நோட்டன் பிரிட்ஜ் மிட்போட் டிவிசனில், கொரோனா தொற்றாளர் ஒருவர் அடையாளம் காணப்பட்ட நிலையில், அவருடன் தொடர்புபட்ட ஏழு குடும்பங்கள் சுய தனிமைப்படுத்தப்பட்டுள்ளன.

கொழும்பில் சீனி தொழிற்சாலையில் வேலை செய்த ஒருவர், கடந்த 15 ஆம் திகதி கொழும்பில் பி.சி.ஆர் பரிசோதனை மேற்கொண்டு , அறிக்கை வருவதற்கு முன் 16 ஆம் திகதி , நோட்டன் பிரிட்ஜ் மிட்போட்ட தோட்ட வீட்டிற்கு வந்துள்ளார் .

அவ்வாறு வந்த அவருக்கு தொற்று இருப்பது உறுதியானதையடுத்து,  அவர் தனிமைப்படுத்தல் நிலையத்துக்கு அழைத்துச் செல்லப்பட்டார்.

இந் நிலையில், குறித்த நபர் சென்ற வீடுகள், அவர் பயணித்த முச்சக்கர வண்டி சாரதி உள்ளிட்ட  ஏழு குடும்பங்கள், 14 நாட்களுக்கு தனிமைப்படுத்தப்பட்டுள்ளதாக ,   பொதுச் சுகாதார பரிசோதகர் தெரிவித்தார்