குளிக்கச் சென்ற இளைஞனைக் காணவில்லை

கலவான பொலிஸ் பிரிவுக்குட்பட்ட மீபாகம பிரதேசத்தில் குக்குளே கங்கையில் குளிக்கச் சென்ற இளைஞர் ஒருவர் காணாமல்  போயுள்ளார்.

நேற்று (30) மாலை தனது நண்பர்களுடன் குறித்த இளைஞன் ஆற்றில் குளிக்கச் சென்ற போது, நீரில் மூழ்கி காணாமல் போயுள்ளார் என கலவான பொலிஸ் நிலையத்தில் முறைப்பாடு செய்யப்பட்டுள்ளது.

22 வயதான மீபாகம- கலவானையைச் சேர்ந்த இளைஞனே காணாமல் போயுள்ளார்.

இளைஞரைத் தேடும் பணியை கடற்படையினர் முன்னெடுத்து வருவதுடன், கலவான பொலிஸார் மேலதிக விசாரணைகளை முன்னெடுத்து வருகின்றனர்.