கொஸ்லாந்தையில் இருவர் கைது

பண்டாரவளை, கொஸ்லாந்தை பகுதியில் இருவேறு குற்றச்செயல்களுடன் தொடர்புடைய இருவரை பொலிஸார் செவ்வாய்க்கிழமை(27) கைதுசெய்துள்ளனர்.

பண்டாரவளை, கொஸ்லாந்தை மித்தெனியாய பிரதேசத்தில் கட்டுத்துப்பாக்கிள் இரண்டை தன்வசம் வைத்திருந்த ஒருவரை பொலிஸார் கைதுசெய்துள்ளனர்.  கொஸ்லாந்தை -கொலம்பகேஹார பிரதேசத்தை சேர்ந்த ஒருவரே இவ்வாறு கைதுசெய்யப்பட்டுள்ளார்.

இதேவேளை, கொஸ்லாந்தை- நேவிஆர பிரதேசத்தில் திடீரென மேற்கொள்ளப்பட்ட தேடுதல் நடவடிக்கையின்போது ஒருதொகை கஞ்சா செடிகளை கைப்பற்றியுள்ளதுடன் சந்தேகத்தின்பேரில் ஒருவரை பொலிஸார் கைதுசெய்துள்ளனர்.

இச்சம்பவங்கள் தொடர்பிலான விசாரணைகளை பொலிஸார் மெற்கொண்டு வருகின்றனர்.