தம்புளையில் குவிந்த மரக்கறிகள்

காஞ்சன குமார ஆரியதாஸ

தம்புள்ளையில் ஊரடங்குச் சட்டம் இன்று (20) தளர்த்தப்பட்டதையடுத்து, தம்புள்ளை பொருளாதார மத்திய நிலையத்துக்கு, பாரிய அளவிலான மரக்கறிகளும் பழவகைகளும் குவிந்தன.

அத்துடன், மரக்கறிகளின் விலைகளில், பாரிய வீழ்ச்சி காணப்பட்டது.

பல மரக்கறிகளின் விலை கிலோகிராமொன்று 10 – 20 ரூபாய்க்குள் இருந்த அதேவேளை மற்றையவை, கிலோகிராமொன்று 30 – 40 ரூபாய்க்குள் காணப்பட்டது.

ஒரு கிலோகிராம் கரட்டின் விலை 60 -80 ரூபாயாகவும் லீக்ஸ் ஒரு கிலோகிராமின் விலை 70 – 80 ரூபாயாகவும் காணப்பட்டது.

தங்களது காய்கறிகள், நல்ல அறுவடையைத் தரும் என்றும் எனவே, எந்தவொரு பற்றாக்குறையும் இன்றி, நுகர்வோரின் தேவையை நிறைவுற்ற முடியும் என்றும் விவசாயிகள் தெரிவித்துள்ளனர்.