தலவாக்கலை- லிந்துலை நகரசபைக்கு புதிய தவிசாளர்

தலவாக்கலை நிருபர்கள்

தலவாக்கலை- லிந்துலை நகரசபையில் வெற்றிடமாக காணப்பட்ட தவிசாளர் பதவிக்கு,  நகரசபையின் ஸ்ரீ லங்கா பொதுஜன பெரமுன கட்சியின் உறுப்பினரான சந்தன பிரதீப் குணதிலக நியமிக்கப்பட்டுள்ளார்.

மத்திய மாகாண உள்ளூராட்சி மன்றங்களின் ஆணையாளர் மேனக ஹேரத் தலைமையில் , இன்று (23) நடைபெற்ற கூட்டத்திலேயே,  சந்தன பிரதீப் நகரசபையின் தவிசாளராக தெரிவுசெய்யப்பட்டுள்ளார்.

தலவாக்கலை- லிந்துலை நகரசபையின்  உறுப்பினரான பிரசன்ன விதானகேயால், சந்தன பிரதீப்பின் பெயர் முன்மொழியப்பட்டதுடன், நகரசபையின் உப தவிசாளர் எல். பாரதிதாசனால் அப்பெயர் வழிமொழியப்பட்டது.