தொ.தே.சவின் பொதுச் செயலாளராக கல்யாணகுமார்

தொழிலாளர் தேசிய சங்கத்தின் பிரதி பொதுச் செயலாளராக கல்யாணகுமார் தெரிவு செய்து, தொழிலாளர் தேசிய சங்கத்தின் உயர் பீடத்தில் முடிவு செய்யப்பட்டுள்ளது.

தொழிலாளர் தேசிய சங்கத்தின் உத்தியோகஸ்த்தர் சபை கூட்டமும் நிர்வாகசபை கூட்டமும், தொழிலாளர் தேசிய சங்கத்தின் பிரதித் தலைவரும் நுவரெலியா மாவட்ட நாடாளுமன்ற உறுப்பினருமான மயில்வாகனம் உதயகுமார் தலைமையில், ஹட்டனில் நடைபெற்றது.

இதன்போது தொழிலாளர் தேசிய சங்கத்தின் பிரதி பொதுச்செயலாளராக தொழிலாளர் தேசிய சங்கத்தின் உதவிச் செயலாளரும் நோர்வூட் பிரதேச சபையின் உறுப்பினருமான பழனிவேல் கல்யாணகுமார் ஏகமானதாக தெரிவு செய்யப்பட்டார்.

இதேவேளை, தொழிலாளர் தேசிய சங்கத்தின் உயர் பீடத்துக்கு, மத்திய மாகாணசபையின் முன்னாள் அமைச்சரும் தொழிலாளர் தேசிய முன்னணியின் உப தலைவருமான முத்தையா ராம், தொழிலாளர் தேசிய சங்கத்தின் இளைஞரணித் தலைவரும் நோர்வூட் பிரதேச சபை உறுப்பினருமான பாலகிருஷ்ணன் சிவநேசன் ஆகியோர் உள்வாங்கப்பட்டனர்.

இதன்போது, பஅடுத்த வருடத்துக்கான தொழிலாளர் தேசிய சங்கத்தின் தோட்டக் கமிட்டி விவரங்கள் அடங்கிய கோவை, தொழிலாளர் தேசிய சங்கத்தின் பிரதித் தலைவரான மயில்வாகனம் உதயகுமாரிடம், தொழிலாளர் தேசிய சங்கத்தின் பொதுச் செயலாளர் எஸ்.பிலிப் ஒப்படைத்தார்.