படகுகள் வழங்கி வைப்பு

சப்ரகமுவ மாகாணத்தில் இரத்தினபுரி, கேகாலை மாவட்டங்களில் வெள்ள அனர்த்தத்துக்கு முகங்கொடுக்கும் மக்களைப் பாதுகாப்பதற்காக, சப்ரகமுவ மாகாண உள்ளூராட்சி சபைகளுக்கு படகுகள் வழங்கி வைக்கப்பட்டது.

மேற்படி படகுகள் வழங்கிவைக்கும் நிகழ்வு, சப்ரகமுவ மாகாண ஆளுநர் டிக்கிரி கொப்பேகடுவ தலைமையில், சப்ரகமுவ மாகாண சபைக் கட்டடத் தொகுதியில், நேற்று (27) நடைபெற்றது.

இதன்போது, வௌ்ளத்துக்கு முகங்கொடுக்கும் இரத்தினபுரி மாநகர சபை,  இரத்தினபுரி, நிவித்திகல, குருவிட்ட, அயகம, கேகாலை மாவட்டத்தில் தெரணியாகலை, ருவான்வெல்ல, தெஹியோவிட்ட ஆகிய உள்ளூராட்சி சபைகளுக்குத் தேவையான 50 படகுகள் வழங்கி வைக்கப்பட்டது.