மணல் ஏற்றிச் சென்ற லொறி விபத்துக்குள்ளானது

மஹியாங்கனையில் இருந்து ஹட்டனுக்கு 3 கியூப் மணல் ஏற்றிச்சென்ற லொறி ஒன்று விபத்துக்குள்ளாகியுள்ளது.

நுவரெலியா – ஹட்டன்,  நானுஓயா குறுக்கு வீதியில், நேற்றைய தினம் (04) குறித்த லொறி வீதியை விட்டு விலகி, மண்மேட்டில் மோதி விபத்துக்குள்ளாகியுள்ளது.

குறித்த லொறியின் சாரதி, லொறியின் வேகத்தை கட்டுப்படுத்த முயன்றபோது, கட்டுப்பாட்டுக்கு அப்பால் லொறி வீதியை விட்டு விலகிச் சென்றதால் விபத்து நேர்ந்துள்ளது.

மேலும் லொறியில் சாரதி மட்டும் பயணித்துள்ளதாகவும், அவர் பலத்த காயங்களுக்குள்ளாகி நுவரெலியா மாவட்ட வைத்தியசாலையில் அனுமதிக்கப்பட்டுள்ளதாகவும் பொலிஸார் தெரிவித்தனர்.