மலையக இளைஞனின் நடைபயணம் ஆரம்பம்

ஆ.ரமேஸ்

அரசாங்கத்திற்கு எதிர்ப்பு தெரிவித்து,  சர்வதேச மெய்வல்லுனர் போட்டியில் பதக்கம் வென்ற நடை வீரரான மணிவேல் சத்தியசீலன் என்ற இளைஞர், நேற்று (30) காலை தனது எதிர்ப்பு நடை பயணத்தை ஆரம்பித்துள்ளார்.

உடபுஸ்சலாவை கோடன் தோட்டத்திலிருந்து  இராகலை, நுவரெலியா,  தலவாக்கலை, ஹட்டன், கினிகத்தேனை,  அவிசாவளை வழியாக கொழும்புக்கு 20 மணிநேரத்தில் செல்லவுள்ளதாகவும் அவர் தெரிவித்தார்.

உடப்புஸ்சலாவை பகுதியில் இருந்து இராகலைக்கு தனது மனைவியுடன் வருகைத் தந்த இவர், இராகலை முருகன் ஆலயம், பள்ளிவாசல், விகாரை மற்றும் சந்திரமாதா தேவாலயம் ஆகியவற்றில் வழிபாடுகளில் ஈடுபட்ட  பின்னர், நடை பயணத்தை மேற்கொண்டார்.

இவரது நடைபயணத்தை இராகலை பிரதேச மக்கள் உற்சாகமாக ஆரம்பித்து வைத்தனர்.