முன்னாள் அமைச்சர்களின் வீடுகளை உடைத்தவர்கள் பிணையில் விடுதலை

என்.ஆராச்சி

கேகாலையிலுள்ள முன்னாள் அமைச்சர்களின் வீடுகளை உடைத்து, சேதம் விளைவித்தமை தொடர்பில் கைதுசெய்யப்பட்ட ஐந்து இளைஞர்கள் பிணையில் விடுதலை செய்யப்பட்டுள்ளனர்.

தலா ஓர் இலட்சம் ரூபாய் சரீரப் பிணையில் சந்தேகநபர்களை விடுதலை செய்யுமாறு, கேகாலை நீதவான் வாசனா நவரத்ன உத்தரவிட்டுள்ளார்.

இந்த மாதம் 9ஆம் திகதி இரவு, கேகாலையிலுள்ள முன்னாள் அமைச்சர்களான தாரக பாலசூரிய, கனக ஹேரத் மற்றும் கேகாலை நகர சபையின் தவிசாளர் சமரசிங்க ஆகியோரின் வீடுகளை தாக்கி சேதம் விளைவித்தமை தொடர்பிலேயே குறித்த ஐவரும் 13ஆம் திகதி கைதுசெய்யப்பட்டனர்.

13ஆம் திகதியே கேகாலை நீதவான் முன்னிலையில் சந்தேகநபர்கள் ஆஜர்படுத்தப்பட்டதையடுத்து, அவர்களை நேற்றுவரை விளக்கமறியலில் வைக்குமாறு நீதவான் உத்தரவிட்டுள்ளார்.