மூலிகை நீரில் வேது பிடிக்கும் தொழிலாளர்கள்

எம்.கிருஸ்ணா

தலவாக்கலை பெருந்தோட்டக் கம்பனியின் கீழ் இயங்கும் கெல்சிமாஹ எலிய தோட்டத்திலுள்ள தொழிலாளர்கள், மூலிகை கலந்த நீரில் வேது பிடித்து வருகின்றனர்.

தோட்ட முகாமையாளர் வெனுர பெல்பொலவின் ஆலோசனைக்கமைய, தோட்ட உத்தியோகஸ்த்தர்கள், தோட்டத் தொழிலாளர்கள் அனைவரினதும் சுகாதார நலன் கருதி இந்தச் செயற்றிட்டம் முன்னெடுக்கப்பட்டு வருகின்றது.

தொழிலாளர்கள் வேலை செய்யும் இடத்திலேயே, மூலிகை கலந்த கொதித்த நீர் வைக்கப்பட்டு, தொழிலாளர்கள் ஒவ்வொருவராக, வேது பிடித்து வருகின்றனர்.