வட்டகொடை தெப்பகுளத்திலிருந்து பெண்ணின் சடலம் மீட்பு

நீலமேகம் பிரசாந்த்

 தலவாக்கலை- வட்டகொடை மடக்கும்புர தோட்டத்தில் உள்ள, தெப்பக்குளத்திலிருந்து, பெண்ணொருவரின் சடலம் இன்று (2) காலை மீட்கப்பட்டுள்ளது.

இவ்வாறு சடலமாக மீட்கப்பட்டவர்,  வட்டகொடை- மடக்கும்புர தோட்டத்தைச் சேர்ந்த 54 வயதுடைய  மூன்று பிள்ளைகளின் தாயான கந்தையா ரமணி என அடையாளம் காணப்பட்டுள்ளார்.

குறித்த தெப்பக்குளத்தில் பெண் ஒருவரின் சடலம் மிதப்பதைக் கண்ட பிரதேச மக்கள் உடனடியாக பொலிஸாருக்கு அறிவித்துள்ளனர்.

இவ்வாறு உயிரிழந்த பெண்,  தற்கொலை செய்து கொண்டாரா?, தவறி விழுந்து உயிரிழந்தாரா அல்லது கொலை செய்யப்பட்டாரா என்பது தொடர்பில், தலவாக்கலை பொலிஸார் விசாரணைகளை முன்னெடுத்துள்ளனர்.

மரண விசாரணைகளின் பின், சடலம் வைத்திய பரிசோதனைக்காக நுவரெலியா ஆதார வைத்தியசாலைக்கு அனுப்பி வைக்கப்பட்டுள்ளதாக பொலிஸார் தெரிவித்தனர்.