வண்ணத்துப்பூச்சியினால் வாழை மரத்துக்கு ஆபத்து

- மொஹொமட் ஆஸிக்

கண்டி மற்றும் நுவரெலியா மாவட்டங்களில் வாழைசெய்கைக்கு ஒரு வகை வண்ணத்துப்பூச்சியினால் பாதிப்பு ஏற்பட்டுள்ளதாக விவசாய திணைக்களத்தின் பிரதிப் பணிப்பாளர் எஸ்.எஸ்.வெலிகமகே தெரிவித்தார்.

அவர் மேலும் தெரிவிக்கையில்,

'லெபிடொப்டெரா  ஹெஸ்பரிடே' என்ற வர்க்கத்தைச் சேர்ந்த வண்ணத்துப்பூச்சிகளே, இவ்வாறு வாழை மரங்களுக்கு பாதிப்பை ஏற்படுத்துகிறன.

இவ்வண்ணத்துப்பூச்சியினங்கள் வாழை இலைகளின் பின்புரத்தில் சுமார் 20 - 30 முட்டைகளை இடும். இதனால் வாழை இலைகள் நோய்த் தாக்கத்துக்கு உள்ளாகக் கூடும். மேலும், வாழை மரத்தின் வளர்ச்சி குன்றிவிடும்.

இதனைக் கட்டுப்படுத்துவதற்கு நோய்தாக்கம் ஏற்பட்டுள்ள பகுதிகளை வெட்டி அழிப்பது மற்றும் தீ வைத்தல் போன்ற முறைகளைப் பயன்படுத்தலாம்.

இது குறித்த மேலதிக விவரங்களை பேராதனையிலுள்ள விவசாய திணைக்களத்தில் பெற்றுக்கொள்ள முடியும். 0812 388 316 என்ற தொலைபேசி மூலமும் ஆலோசனைகளை பெற்றுக்கொள்ள முடியும் என்றார்.