வேட்பாளர் ஒருவர் முறைப்பாடு

ஷேன் செனவிரத்ன

கண்டி தலைமையக பொலிஸ் நிலையத்தின் சிறு முறைப்பாடுகள் பிரிவின் நிலைய பொறுப்பதிகாரி  பொலிஸ் நிலையத்திற்குள் தன்னை தாக்கியதாகத் ​தெரிவித்து, ஐக்கிய மக்கள் சக்தியின்  வேட்பாளர் ஒருவர் பொலிஸில் முறைப்பாடு செய்துள்ளார்.

தான் ஒரு தேவைக்காக பொலிஸ் நிலையத்தக்குச் சென்ற போது, பொறுப்பதிகாரியுடன்  ஏற்பட்ட வாக்குவாதத்தின் போதே இந்த தாக்குதல் இடம்பெற்றுள்ளதாக முறைப்பாட்டில் தெரிவிக்கப்பட்டுள்ளது.

திகன- ரஜவெல்ல ​பிரதேசத்தைச்  சேர்ந்த இவர், ஐக்கிய மக்கள் சக்தி ஊடாக  அம்பிட்டிய –மல்பான வட்டார வேட்பாளராக போட்டியிடுவதாகவும்  முறைப்பாட்டில் குறிப்பிடப்பட்டுள்ளது.

இதுகுறித்து, பொலிஸ் உயர் அதிகாரி ஒருவரிடம் கேட்டபோது, ​​முறைப்பாட்டாளர் மற்றுமொரு முறைப்பாட்டாளரின் உதவிக்கு வந்தபோது, ​​விசாரணைக்கு இடையூறாக இருந்ததால், சிறு முறைப்பாடுகள் பிரிவின் நிலைய பொறுப்பதிகாரியுடன்  வாக்குவாதம் ஏற்பட்டுள்ளதாகத் தெரிவித்தார்.

எனினும் குறித்த பொலிஸ் அதிகாரிக்கு எதிராக முறைப்பாடு செய்யப்பட்டுள்ளதால், உதவி பொலிஸ் அதிகாரி  சி. டி. இளங்கோர்ன் தலைமையில் விசாரணை நடத்தப்படும் என்றார்.