ஹட்டனில் உணவகங்கள் பலவற்றுக்கு பூட்டு

ரஞ்சித் ராஜபக்ஸ

ஹட்டன் நகருக்கு பல நாட்களாக லிட்ரோ சமையல் எரிவாயு கிடைக்காமை காரணமாக, நகரிலுள்ள உணவகங்கள் பல மூடப்பட்டுள்ளன.

கடந்த பத்து நாள்களாக ஹட்டன் நகரிலுள்ள எரிவாய முகவர் நிலையங்களுக்கு சமையல் எரிவாயு சிலிண்டர் விநியோகிக்கப்படவில்லை என முகவர் நிலைய உரிமையாளர்கள் தெரிவித்துள்ளனர்.

எனினும் அதிகாலையிலிருந்தே தினமும் நுகர்வோர் சமையல் எரிவாயு கொள்வனவுக்காக காத்திருந்து ஏமாற்றத்துடன் திரும்பிச் செல்வதாகவும் உரிமையாளர்கள் தெரிவிக்கின்றனர்.

இன்றும் சமையல் எரிவாயு முகவர் நிலையங்கள் முன்பாக நீண்ட வரிசைகளில் நுகர்வோர் காத்திருந்தாலும் பகல் 12 மணிவரை சமையல் எரிவாயு கிடைக்கவில்லை என்றும் தெரிவித்தனர்.