வாக்குச் சீட்டை வீடியோ எடுத்தவர் கைது

-மொஹமட் ஆஸிக்

வாக்குச்சீட்டை  வீடியோவாக பதிவுசெய்த இளைஞனை கண்டி, அங்கும்புரை பொலிஸார் திங்கட்கிழமை கைதுசெய்துள்ளனர்.

கண்டி, அங்கும்புரையில் அமைக்கப்பட்டிருந்த வாக்களிப்பு நிலையத்தில் வைத்தே மேற்படி இளைஞன் கைதுசெய்யப்பட்டுள்ளார்.

வாக்களிக்கச் சென்ற இவ் இளைஞன், வாக்குச்சாவடியில் வைத்து  தனது கையடக்கத்தொலைபேசியில் வாக்குச்சீட்டை வீடியோவாக பதிவுசெய்துள்ளார்.

தேர்தல் கடமையில் ஈடுபட்டிருந்த அதிகாரிகள், உடனடியாக மேற்படி இளைஞனை பிடித்து பொலிஸாரிடம் ஒப்படைத்துள்ளனர்.

இளைஞனை நீதிமன்றில் ஆஜர்படுத்தவுள்ளதாக பொலிஸார் தெரிவித்தனர்.