புதுவருட ரொக்கட்டினால் தீ விபத்து ; 50 லட்ச ரூபா பெறுமதியான சொத்துகள் சேதம்

(கெலும் பண்டார)

புதுவருடப் பிறப்பின்போது கொளுத்தப்பட்ட ரொக்கட் ஒன்றினால் ஏற்பட்ட தீ பரவியதால், நுகேகொடை அனுலா மகாவித்தியாலத்தின்  50 லட்சம் ரூபா பெறுமதியான சொத்துகளுக்கு சேதம் ஏற்பட்டுள்ளதாக கல்வி அமைச்சர் பந்துல குணவர்தன தெரிவித்துள்ளார்.

மேற்படி ரொக்கட், ஜன்னல் துவாரத்துக்கூடாக பாடசாலை கட்டிடமொன்றிற்குள் நுழைந்துள்ளது. இதனால்  மெத்தையொன்று தீப்பற்றத் தொடங்கியது என அமைச்சர் பந்துல குணவர்தன டெய்லி மிரருக்குத் தெரிவித்தார்.

'சம்பவ இடத்தை நான் பார்வையிட்டேன். 50 லட்சம் ரூபா பெறுமதியான சொத்துகள் சேதமடைந்துள்ளன. சேதமடைந்த பாடசாலைக் கட்டிடத்தின் கூரையை திருத்துவதற்கு அயலிலுள்ள குடியிருப்பாளர்கள் இணங்கியுள்ளனர்' என அவர் தெரிவித்தார்.