தனியார் வகுப்புகளுக்கு வடக்கிலும் கட்டுப்பாடு

-எம்.றொசாந்த்

வடமாகாணத்தில் தனியார் வகுப்புக்களை நடத்துவது தொடர்பான தொடர்பான நியதிச்சட்டமொன்று கொண்டுவரப்படவுள்ளதாக, நேற்று (25) நடைபெற்ற வடமாகாண சபை; அமர்வின் போது தெரிவிக்கப்பட்டது.

வெள்ளிக்கிழமை மற்றும் ஞாயிற்றுக்கிழமைகளில் தனியார் வகுப்புக்களுக்குத் தடை விதிக்கும் வகையிலும் மற்றைய நாட்களில், மாலை 6 மணிக்கு பின்னர் வகுப்புக்களை நடத்தாதிருக்கும் வகையிலான சட்ட அமுலாக்கலை மேற்கொள்ளும் வகையிலுமே, இந்த நியதிச்சட்டம் கொண்டுவரப்படவுள்ளது.

இவ்வாறு வகுப்புக்களை தொடர்ச்சியாக நடத்துவதால் மாணவர்கள், உடல் - உள ரீதியான பாதிப்புக்களை எதிர்நோக்குகின்றமையைச் சுட்டிக்காட்டியே, தனியார் வகுப்புகளுக்கான கட்டுப்பாடுகளை விதிக்கும் வகையிலான நியதிச்சட்டம் கொண்டுவரப்படவுள்ளதாக, சபையில் தெரிவிக்கப்பட்டது.