வவுனியாவில் 4 ஆயிரம் மில்லியன் செலவில் 4 ஆடைத்தொழிற்சாலைகள்

(பாலமதி)

வவுனியாவில் 4 ஆயிரம் மில்லியன் ரூபா செலவில் ஆரம்பிக்கப்படவுள்ள 4 ஆடைத் தொழிற்சாலைகளில் கடமையாற்றுவதற்கு எந்த மாவட்டத்தில் இருந்தும் விண்ணப்பிக்க முடியும் என்று வவுனியா மாவட்ட அரச அதிபர் திருமதி எச்.சாள்ஸ் தெரிவித்துள்ளார்.

பொருளாதார அபிவிருத்தி அமைச்சின் நிதியுதவியுடன் வவுனியாவில் 4 ஆடைத் தொழிற்சாலைகள் அமைக்கப்படவுள்ளன.

இதற்கான ஊழியர்கள் தெரிவுசெய்யப்படவுள்ள நிலையில், வேலைவாய்ப்பு விண்ணப்பங்கள் கோரப்பட்டுள்ளன.

இதற்கு எந்த மாவட்டத்தைச் சேர்ந்தவர்களும் விண்ணப்பிக்கமுடியும் என்றும், குறித்த பிரதேச செயலர்களுடன் தொடர்பு கொண்டு 'அரச அதிபர், வவுனியா' என்ற முகவரிக்கு விண்ணப்பிக்குமாறும் அவர் தெரிவித்துள்ளார்.