அடித்துக் காயப்படுத்தியவர்களுக்கு விளக்கமறியல்

கொடிகாமம் பகுதியைச் சேர்ந்த ஒருவரை அடித்துக் காயப்படுத்திய குற்றச்சாட்டில் கைது செய்யப்பட்ட ஐந்து சந்தேகநபர்களும் விளக்கமறியலில் வைக்கப்பட்டுள்ளனர்.

இந்த சந்தேகநபர்களை, எதிர்வரும் 27 ஆம் திகதி வரையில் விளக்கமறியிலில் வைக்குமாறு சாவகச்சேரி நீதவான் நீதிமன்ற  நீதவான் திருமதி ஸ்ரீநிதி நந்தசேகரன், திங்கட்கிழமை (18) உத்தரவிட்டார்.

மேற்படி சம்பவத்தில் படுகாயமடைந்த நபர், சாவகச்சேரி ஆதார வைத்தியசாலையில் அனுமதிக்கப்பட்ட நிலையில் விசாரணை முன்னெடுத்த பொலிஸார், சந்தேகநபர்களை கைது செய்து நீதிமன்றத்தில் ஆஜர்ப்படுத்தினர்.