அனுமதிப்பத்திரமின்றி மணல் ஏற்றியவருக்கு தண்டம்

-சுப்பிரமணியம் பாஸ்கரன்
 
கிளிநொச்சி பகுதியில் அனுமதிப்பத்திரமின்றி மணல் ஏற்றிய உழவுஇயந்திரத்தின் சாரதிக்கு 3 இலட்சம் ரூபாய் தண்டப்பணம் விதித்து கிளிநொச்சி நீதவான் நீதிமன்ற நீதவான் எம்.ஐ.வகாப்தீன், நேற்று புதன்கிழமை (16) உத்தரவிட்டார்.
 
கிளிநொச்சிப்பகுதியில் அனுமதிப்பத்திரமின்றி உழவு இயந்திரத்தில் மணல் ஏற்றிச் சென்ற ஒருவரை செவ்வாய்க்கிழமை (15) கிளிநொச்சிப் பொலிஸார் கைது செய்து நேற்று (16) கிளிநொச்சி நீதவான் நீதிமன்றில் ஆஜர்படுத்தியதையடுத்து தண்டப்பணம் விதித்ததுடன் மணலும் பறிமுதல் செய்யப்பட்டுள்ளது.