இந்திய மீனவர்கள் கைது

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்ட 6 இந்திய மீனவர்களை கடற்படையினர் நேற்று (22) கைது செய்துள்ளனர்.

தமிழகம் நாகை மாவட்டத்தைச் சேர்ந்த 6 மீனவர்கள் இழுவை மடி படகில் இலங்கை கடற்பரப்புக்குள் அத்துமீறி நுழைந்து மீன் பிடியில் ஈடுபட்ட வேளை கடற்படையினர் அவர்களை கைது செய்ததுடன், அவர்கள் பயணித்த படகையும் கைப்பற்றினார்கள்.

குறித்த மீனவர்களை யாழ்.மாவட்ட கடற்தொழில் நீரியல் வளத்துறையினரிடம் ஒப்படைக்க நடவடிக்கை எடுக்கப்பட்டுள்ளதாக கடற்படையினர் தெரிவித்துள்ளனர்.