இந்திய மீனவர்கள் 19 பேர் கைது

சொர்ணகுமார் சொரூபன்

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்ட குற்றச்சாட்டில், பருத்தித்துறைக்கு அண்மைய கடற்பரப்பில் வைத்து சனிக்கிழமை (10) அதிகாலை 19 தமிழக மீனவர்கள் இலங்கை கடற்படையினரால் கைது செய்யப்பட்டுள்ளதாக யாழ்.கடற்றொழில் நீரியல் வளத்துறை அதிகாரியொருவர் தெரிவித்தார்.

மீனவர்கள் மீன்பிடித்த 2 படகுகளும் உபகரணங்களும் இதன்போது கைப்பற்றப்பட்டதாக அவர் தெரிவித்தார்.

கைது செய்யப்பட்ட மீனவர்களை கடற்படையினர் தங்களிடம் ஒப்படைத்துள்ளதாகவும் அவர்களை பருத்தித்துறை நீதிமன்றத்தில் ஆஜர்ப்படுத்துவதற்கான நடவடிக்கையை மேற்கொண்டு வருவதாகவும் அவர் மேலும் கூறினார்.