இந்திய மீனவர்கள் 9 பேர் கைது

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்ட குற்றச்சாட்டில் நெடுந்தீவுக்கு அண்மிய கடற்பரப்பில் வைத்து 9 இந்திய மீனவர்கள் இலங்கை கடற்படையினரால் வியாழக்கிழமை (26) அதிகாலை கைது செய்யப்பட்டதாக யாழ்ப்பாணம் கடற்றொழில் நீரியல் வளத்துறைத் திணைக்கள அதிகாரி ஒருவர் தெரிவித்தார்.

இராமேஸ்வரம் பகுதியிலிருந்து 2 படகுகளில் மீன்பிடித்துக் கொண்டிருந்த இந்திய மீனவர்களே இவ்வாறு கைது செய்யப்பட்டுள்ளனர்.

கைது செய்யப்பட்ட மீனவர்களை கடற்படையினர், நீரியல் வளத்துறையினரிடம் ஒப்படைத்துள்ளதாகவும் அவர்களை நீதிமன்றத்தில் ஆஜர்ப்படுத்துவதற்கான நடவடிக்கைகளை மேற்கொண்டு வருவதாக அந்த அதிகாரி மேலும் தெரிவித்தார்.