இரும்பக உரிமையாளர் உயிரிழப்பு; அறிக்கை சமர்ப்பிப்பு

-எம்.றொசாந்த்

கும்பலின் தாக்குதலுக்கு இலக்காகிய இரும்பக உரிமையாளர் ஒருவர் 3 வாரங்களின் பின்னர் சிகிச்சை பலனின்றி உயிரிழந்த நிலையில், நேற்று, இச்சம்பவம் குறித்து யாழ்ப்பாணம் நீதவான் நீதிமன்றத்தில், பொலிஸார் அறிக்கை தாக்கல் செய்தனர்.

செப்டெம்பர் 6ஆம் திகதியன்று, கும்பலின் தாக்குதலுக்கு இலக்காகிய இரும்பக உரிமையாளர் ஒருவர், 3 வாரங்களின் பின்னர் சிகிச்சை பலனின்றி உயிரிழந்தார்.

இந்நிலையில், இச்சம்பவம் குறித்து எவ்வித விசாரணைகளையும் முன்னெடுக்காத கோப்பாய் பொலிஸார், குறித்த நபர் உயிரிழந்தவுடன், தடவியல் பொலிஸாரைக் கொண்டு நேற்று சம்பவ இடத்தில் விசாரணைகளை முன்னெடுத்து, யாழ்ப்பாணம் நீதிவான் நீதிமன்றத்தில், அறிக்கை தாக்கல் செய்தனர்.

இதையத்து, யாழ்ப்பாணம் நீதிமன்ற நீதிவான் ஏ.பீற்றர் போல், உயிரிழந்தவரின் இறப்பு விசாரணையை போதனா வைத்தியசாலைக்குச் சென்று முன்னெடுத்தார்.

உடற்கூற்றுப் பரிசோதனையின் பின்னர், சடலத்தை உறவினர்களிடம் ஒப்படைக்க உத்தரவிட்ட நீதவான், வழக்கு விசாரணையை ஒத்திவைத்தார்.