இறால் கூடுகள் அழிப்பு

-செல்வநாயகம் கபிலன்

முல்லைத்தீவு நீதவான் நீதிமன்ற உத்தரவுக்கமைய 170 தொகுதி இறால் கூடுகள் மற்றும் 2 தொகுதி தங்கூசி வலைகள் என்பன எரியூட்டி அழிக்கப்பட்டுள்ளதாக முல்லைத்தீவு மாவட்ட கடற்றொழில் நீரியல்வளத்துறை உதவி பணிப்பாளர் விஸ்வலிங்கம் கலிஸ்ரன் இன்று புதன்கிழமை (24) தெரிவித்தார்.

சட்டவிரோதமான வகையில் நந்திக்கடல் நீரேரியில் பாய்ச்சப்பட்டிருந்த 170 தொகுதி இறால்கூடுகள் மற்றும் 2 தொகுதி தங்கூசி வலைகளை கடற்றொழில் நீரியல்வளத்துறை அதிகாரிகள் கடந்த 18ஆம் திகதி மீட்டிருந்தனர்.

மீட்கப்பட்ட பொருட்கள் உரிமைகோரப்படாத நிலையில், அவை செவ்வாய்கிகழமை (23)  முல்லைத்தீவு நீதிமன்றில் ஒப்படைக்கப்பட்டது.

இதையடுத்து இது தொடர்பில் விசாரித்த நீதவான் இந்தப் பொருட்களை எரியூட்டி அழிக்குமாறு உத்தரவிட்டார்.