இளைஞன் மீது வாள்வெட்டு

-எம்.றொசாந்த்,  டி.விஜித்தா, என்.ராஜ்

யாழ்.- கொழும்புத்துறை பகுதியில், இன்று மாலை 4 மணியளவில், கும்பல் ஒன்று வீதியால் சென்ற இளைஞனை வழிமறித்து வாள் வெட்டுத்தாக்குதலை மேற்கொண்டு விட்டு தப்பி சென்றுள்ளது. 

நெடுங்குளம் பகுதியை சேர்ந்த கவிசந்திரன் சிவனேஸ்வரன் (வயது 25) எனும் இளைஞனே, இவ்வாறு வாள்வெட்டுக்கு இலக்காகியுள்ளார்.

குறித்த இளைஞன் அவ்வீதி வழியாக மோட்டார் சைக்கிளில் பயணித்துக்கொண்டிருந்த வேளையில் பின் தொடர்ந்து இரண்டு மோட்டார் சைக்கிளில் வந்த நான்கு பேர் கொண்ட கும்பல், இளைஞனை வழிமறித்து வாளினால் வெட்டி விட்டு தப்பி சென்றுள்ளனர். 

பழைய பகையை தீர்க்கும் முகமாகவே  குறித்த தாக்குதல் சம்பவம் இடம்பெற்று உள்ளது.