இ.போ.ச பஸ் சாரதியை தாக்கியவருக்கு விளக்கமறியல்

-செல்வநாயகம் கபிலன்

இலங்கை போக்குவரத்து சபையின் பஸ் சாரதியை தாக்கிய தனியார் பஸ் சாரதியை எதிர்வரும் 30ஆம் திகதி வரை விளக்கமறியலில் வைக்குமாறு சாவகச்சேரி நீதிமன்ற பதில் நீதவான் செல்லையா கணபதிபிள்ளை திங்கட்கிழமை (21) உத்தரவிட்டார்.

ஞாயிற்றுக்கிழமை (20) கொடிகாமம் மத்திய பஸ் நிலையத்தில் வைத்து இத்தாக்குதல் சம்பவம் இடம்பெற்றுள்ளது.
இத்தாக்குதல் சம்பவத்தில் கோண்டாவில் சாலையில் பணியாற்றும் சாரதி காயங்களுக்குள்ளாகி சாவகச்சேரி வைத்தியசாலையில் அனுமதிக்கப்பட்டுள்ளார்.

இதையடுத்து தனியார் பஸ் சாரதியை கைது செய்த பொலிஸார் அவரை சாவகச்சேரி பதில் நீதவான் முன்னிலையில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.