உலக சிறுவர் தின நிகழ்வு

-சொர்ணகுமார் சொரூபன்

வடமாகாண சிறுவர் நன்னடத்தை மற்றும் சிறுவர் பராமரிப்பு சேவை திணைக்களம் ஏற்பாடுசெய்த சிறுவர் தின நிகழ்வு, நீராவியடியில் அமைந்துள்ள இலங்கை வேந்தன் கலைக்கல்லூரியில் இன்று வெள்ளிக்கிழமை (18) நடைபெற்றது.

'சிறுவர்களுக்கு நட்புறவான சூழல், உலகை மிளரச் செய்யும் அழகிய தேசம்' என்றும் தொனிப்பொருளில் இந்த நிகழ்வு நடைபெற்றது.

வடமாகாண சிறுவர் நன்னடத்தை மற்றும் சிறுவர் பராமரிப்பு சேவை திணைக்களத்தின் ஆணையாளர் தி.விஸ்வரூபன் தலைமையில் நடைபெற்ற இந்நிகழ்வில் பிரதம அதிதியாக வடமாகாண முதலமைச்சர் சி.வி.விக்னேஸ்வரன் கலந்துகொண்டார்.

சிறுவர் இல்லங்களிலுள்ள சிறுவர்களுக்கிடையில் நடத்தப்பட்ட கட்டுரை, சித்திரம், சிறுகதை, பேச்சு உள்ளிட்ட போட்டிகளில் வெற்றியீட்டிய சிறுவர்களுக்கான பரிசில்கள் வழங்கப்பட்டன.