கஞ்சாவுடன் இருவர் கைது

-செல்வநாயகம் கபிலன்

யாழ்ப்பாணம், மடத்தடி பகுதியில் இரண்டு கிலோ கிராம் நிறையுடைய கஞ்சா பொதிகளுடன் இருவரை, புதன்கிழமை (20) இரவு கைது செய்துள்ளதாக யாழ்ப்பாணம் குற்றத்தடுப்பு பொலிஸார் தெரிவித்தனர்.

முச்சக்கரவண்டி ஒன்றில் கஞ்சா பொதிகள் கடத்தப்படுவதாக கிடைக்கபெற்ற இரகசிய தகவலையடுத்து, ஸ்தலத்துக்கு விரைந்த பொலிஸார், முச்சக்கரவண்டியொன்றை சோதனையிட்டபோதே, மறைத்து வைக்கபட்ட கஞ்சா பொதியை மீட்டதுடன், சந்தேக நபர்களையும் கைது செய்துள்ளனர்.

கைதுசெய்யப்பட்ட இருவரும், குருநகர் மற்றும் புத்தளம் பகுதியைச் சேர்ந்த 28 மற்றும் 32 வயதுடைய நபர்கள் என பொலிஸார் கூறினார்.

இவ்வாறு மீட்கப்பட்ட கஞ்சாவின் பெறுமதி, 5 இலட்சம் ரூபாய் என மதிப்பிடப்பட்டுள்ளது.