கஞ்சாவுடன் கைதானவருக்கு விளக்கமறியல்

-செல்வநாயகம் கபிலன்

இளவாலை பனிப்புலம் சந்தியில் கடந்த வியாழக்கிழமை (11) இரவு 2 கிலோ 35 கிராம் கஞ்சாவுடன் கைதான சந்தேகநபரை, 14 நாட்கள் விளக்கமறியலில் வைக்குமாறு மல்லாகம் மாவட்ட மேலதிக நீதவான் ரீ.கருணாகரன், நேற்று வெள்ளிக்கிழமை (12) உத்தரவிட்டார்.

கஞ்சா பொதிகளை கொழும்புக்கு கொண்டு செல்லும் நோக்கோடு, 38 வயதுடைய குறித்த சந்தேகநபர், பனிப்புலம் சந்தியில் நின்றுள்ளார்.

பொலிஸாருக்கு கிடைத்த இரகசிய தகவலை அடுத்து, அப்பகுதிக்கு சென்ற பொலிஸார், அவரைக் கைதுசெய்து சோதனையிட்ட போது, கஞ்சாவுடன் கொழும்புக்கு செல்ல முற்பட்டது தெரியவந்துள்ளது.

சந்தேகநபரை மல்லாகம் நீதிமன்றில் ஆஜர்படுத்திய போது 14 நாட்கள் விளக்கமறியலில் வைக்குமாறு மேலதிக நீதிவான் உத்தரவிட்டார்.