குளவிக்கொட்டுக்கு இலக்காகி 14 பேர் படுகாயம்

அளவெட்டி பகுதியில் குளவிக்கொட்டுக்கு இலக்காகி 14 பேர் காயமடைந்துள்ளனர்.

இச்சம்பவம் அளவெட்டி அம்பானை பகுதியில் நேற்று (25) மாலை இடம்பெற்றுள்ளது.

குறித்த பகுதியில் உள்ள வெற்றுக்காணியை சிலர் துப்பரவு செய்தபோது அங்கிருந்த குளவிக்கூடு ஒன்று கலைந்து துப்பரவு பணியில் ஈடுபட்டிருந்தவர்கள் மற்றும் வீதியால் சென்றவர்களை கொட்டியுள்ளது.

இதில் 14 பேர் காயமடைந்த நிலையில் தெல்லிப்பளை வைத்தியசாலையில் சிகிச்சைக்காக அனுமதிக்கப்பட்டனர்.

நால்வர் சிகிச்சையின் பின் வீடு திரும்பிய நிலையில் 10 பேரை வைத்தியசாலையில் சிகிச்சைக்காக தங்கியுள்ளனர்.