கிணற்றில் வீழ்ந்து வயோதிபப் பெண் உயிரிழப்பு

-செல்வநாயகம் கபிலன்

கிணற்றில் நீர் எடுக்கச் சென்ற வயோதிபப் பெண்ணொருவர், கிணற்றில் தவறுதலாக வீழ்ந்து இன்று புதன்கிழமை (20) உயிரிழந்துள்ளதாக இளவாலை பொலிஸார் தெரிவித்தனர்.

இவ்வாறு உயிரிழந்தவர், சகாயபுரம் மாதகல் பகுதியினை சேர்ந்த இலங்கையன் இலட்சுமி (வயது 84) என பொலிஸார் கூறினர்.

இது தொடர்பில் பொலிஸாருக்குத் தெரியப்படுத்தப்பட்டதை அடுத்து, சம்பவ இடத்துக்கு வந்த பொலிஸார் சடலத்தை மீட்டு யாழ். போதனா வைத்தியசாலைக்கு அனுப்பி வைத்தனர்.

மேலதிக விசாரணைகளை பொலிஸார் மேற்கொண்டு வருகின்றனர்.