குளங்களின் மேலதிக நீரை மாற்றுவழியூடாக வெளியேற்றுமாறு கோரிக்கை

-நடராசா கிருஸ்ணகுமார்

கிளிநொச்சி உருத்திரபுரம் கிராமத்தின் மையப்பகுதி ஊடாக கிளிநொச்சி கந்தன்குளத்திலிருந்தும் புதுமுறிப்புக்குளத்திலிருந்தும் மேலதிக நீர் வெளியேறுவதால் மழை காலத்தில் இப்பகுதி மக்கள் வெள்ள இடரினை எதிர்கொண்டுள்ளனர்.

எனவே, மேற்படி இரு குளங்களிலிருந்தும் வெளியேறும் நீர் கிராமத்தின் மையப்பகுதிக்குள் பரவாமல் தடுப்பணைகள் மூலம் மாற்று வழியூடாக வெளியேற்றுவதற்கு நடவடிக்கை எடுக்குமாறு இக் கிராம மக்கள் கிளிநொச்சி மாவட்டச் செயலரிடம் வேண்டுகோள் விடுத்துள்ளனர்.