கொள்ளைச் சம்பவத்துடன் தொடர்புடையவர் கைது

-எம்.றொசாந்த்

யாழ்ப்பாணம் நீராவியடிப் பகுதியிலுள்ள வீடொன்றுக்குள் புகுந்து வீட்டிலிருந்தவர்களை தாக்கிவிட்டு நகைகள் மற்றும் கணினி ஆகியவற்றை கொள்ளையடித்துச் சென்ற சந்தேகநபர் ஒருவரை  திங்கட்கிழமை (21) கைது செய்துள்ளதாக யாழ்ப்பாணப் பொலிஸார் தெரிவித்தனர்.

2014ஆம் ஆண்டு இந்தச் சந்தேகநபர் தலைமையில் சென்ற குழுவினர் வீட்டு உரிமையாளரைத் தாக்கியுள்ளதுடன் அவரைக் கட்டி வைத்து 3 மணித்தியாலங்கள் அவரிடம் விசாரணை நடத்தியுள்ளனர்.

அயல்வீட்டுக்காரர்கள், சம்பவத்தை அறிந்து யாழ்ப்பாண பொலிஸாருக்கு தெரியப்படுத்தியதும் பொலிஸார் அங்கு வந்தபோது, மோட்டார் சைக்கிள் ஒன்றைக் கைவிட்டுவிட்டு கொள்ளையர்கள் அங்கிருந்து தப்பித்துச் சென்றனர்.

இது தொடர்பில் விசாரணைகளை மேற்கொண்ட பொலிஸார், குறித்த நபரை கைது செய்துள்ளனர்.