சி4 வெடிமருந்து மீட்பு

-டி.விஜித்தா

யாழ்ப்பாணம் - குருநகர் பகுதியில், 1 கிலோ 30 கிராம் நிறையுடைய சி4 வெடிமருந்து, இன்று கடற்படையினரால் கைப்பற்றப்பட்டுள்ளது.

யாழ்ப்பாணம் – குருநகர், கொய்யாத்தோட்டம் கடற்கரைப் பகுதியில் அநாமதேயமாக இருந்த நிலையிலேயே, இந்த வெடிமருந்து கடற்படையினரால் மீட்கப்பட்டுள்ளது.

மீனவர்கள் மீன்பிடிப்பதற்கு பயன்படுத்த எடுத்துச் சென்றிருக்கலாம் என்றும், வெடிமருந்து தொடர்பாக யாரையும் கைதுசெய்யவில்லை என்றும் கடற்படையினர் தெரிவித்தனர்.

மீட்கப்பட்ட வெடிமருந்தை மண்டதீவு கடற்படை முகாமுக்கு எடுத்துச் சென்றுள்ளனர்.