சீமெந்து வழங்கும் பயனாளிகளின் எண்ணிக்கை அதிகரிப்பு

-எஸ்.அரசரட்ணம்

போதிய நிதியின்மை காரணமாக, வீடுகளுக்கு பூச்சு பூசாமல் இருக்கும் வீடுகளுக்கு, இலவசமாக தலா 10 சீமெந்து பக்கெட்டுகள் வழங்கும் திட்டத்தில், 2016ஆம் ஆண்டு ஒவ்வொரு மாவட்டத்திலும் 3,000 பயனாளிகளுக்கு வழங்குவதற்கு தேசிய வீடமைப்பு அதிகார சபை முன்வந்துள்ளது.

வருடாவருடம் வழங்கப்பட்டு வரும் இந்த சீமெந்து பக்கெட்டுக்கள், ஒரு பயனாளிக்கு 10 பக்கெட் என்ற ரீதியில், ஒரு மாவட்டத்தில் ஆயிரம் பயனாளிகளுக்கு வழங்கப்பட்டது. 2016ஆம் ஆண்டிலிருந்து பயனாளிகளின் எண்ணிக்கையில் அதிகரிப்புச் செய்யப்பட்டுள்ளது.

இந்தத் திட்டத்துக்காக, பயனாளிகளிடமிருந்து விண்ணப்படிவங்களை, அதிகார சபை கோரியுள்ளது.