திருட்டுச் சந்தேகநபர்களுக்கு விளக்கமறியல்

செல்வநாயகம் கபிலன்

தெல்லிப்பழை துர்க்காபுரம் பகுதியிலுள்ள வீடொன்றில் கடந்த 12ஆம் திகதி நகைகளைத் திருடிய குற்றச்சாட்டில் கைது செய்யப்பட்ட 2 சந்தேகநபர்களையும், எதிர்வரும் 19ஆம் திகதி வரையில் விளக்கமறியலில் வைக்குமாறு மல்லாகம் நீதிவான் நீதிமன்ற நீதிவான் ஏ.யூட்சன் புதன்கிழமை (14) உத்தரவிட்டார்.

வீட்டிலிருந்தவர்கள் ஆலயத்துக்குச் சென்ற சமயம், வீட்டுக்குள் நுழைந்து 3 பவுண் நகை மற்றும் கமரா என்பன திருடப்பட்டிருந்தன.

இது தொடர்பில் கிடைக்கப்பெற்ற முறைப்பாட்டின் அடிப்படையில் விசாரணை செய்த தெல்லிப்பழை பொலிஸார், 46 வயதுடைய கோணப்புலம் பகுதியைச் சேர்ந்த ஒருவரையும், மற்றும் குருமன்காடு பகுதியைச் சேர்ந்த 33 வயதுடைய ஒருவரையும் கைது செய்திருந்தனர்.