நிரந்தர நியமனம் கோரி ஆர்ப்பாட்டம்

-சண்முகம் தவசீலன்

முல்லைத்தீவு மாவட்ட சுகாதார தொண்டர்கள் சிலர், நிரந்தர நியமனம்  கோரி, நேற்று(25), மாவட்ட அபிவிருத்தி குழுக்கூட்டம் இடம்பெற்ற கரைதுறைப்பற்று பிரதேச செயலகம் முன்பாக ஆர்ப்பாட்டமொன்றை முன்னெடுத்தனர்.

காலை, கூட்டம் ஆரம்பிக்கப்பட்டவேளையிலிருந்து அமைதியான முறையில் ஆர்ப்பாட்டத்திலீடுபட்டவர்கள், கூட்டம் முடிவடைந்த பின்னர் அமைச்சர் ரிஷாட் பதியுதீனை சந்தித்து மகஜர்களை கையளித்து கலந்துரையாடினார்கள்.

இந்த மகஜரை பெற்றுக்கொண்ட அமைச்சர், வடமாகாண முதலமைச்சர் மற்றும் சுகாதார அமைச்சர் ஆகியோருடன் கலந்துரையாடி, அவர்களுக்கான தீர்வை பெற்றுத் தருவதாக உறுதியளித்தார்.