பணத்தை திருடிய பொலிஸ் அதிகாரி விளக்கமறியலில்

-செல்வநாயகம் கபிலன்

ஒரு இலட்சம் ரூபாய் பணத்தை திருடிய காங்கேசன்துறை பொலிஸ் பிராந்திய காரியாலயத்தின் சேவைகால உள்ளக பயிற்சி அதிகாரியான பிரதான பொலிஸ் பரிசோதகரை,  எதிர்வரும் 05ஆம் திகதி வரை விளக்கமறியலில் வைக்குமாறு மட்டக்களப்பு நீதவான் நீதிமன்ற நீதவான் மாணிக்கவாசகர் கணேசராஜா, செவ்வாய்க்கிழமை (02) உத்தரவிட்டார்.

மட்டக்களப்பு தாமரைக்கேணி பகுதியில் உள்ள தனியார் வங்கி ஒன்றுக்கு சென்ற குறித்த பிரதம பொலிஸ் பரிசோதகர், வாடிக்கையாளர் ஒருவர் கீழே விழுத்திய  பணப்பையை தனது காலால் மறைத்து திருடியுள்ளார்.

இது தொடர்பில் ஒரு இலட்சம் ரூபாய் பணத்தை பறிகொடுத்தவர் மட்டக்களப்பு பொலிஸ் நிலையத்தில் முறைப்பாடு செய்திருந்தார்.

இதையடுத்து, வங்கியில் பொருத்தியிருந்த சீ.சீ.ரி கமராவின் உதவியுடன் விசாரணைகளை மேற்கொண்ட பொலிஸார், கமராவில் பதிவாகியிருந்த காட்சிகள் ஊடாக குறித்த பொலிஸ் அதிகாரியை கைது செய்தனர்.